ဆု္အဲထါေခါဟ္

အွ္ဆံင္းလာၟဆၚကို၀္ၟဟွာေဍ

ဆံင့္ဏးေယါ၀္ၟဖိုင္ယွံင္႓းလာၟ ထါေခါဟ္လု္ပုဂ္ယို၀္ဆၚ

စၚဂုဏ္စၚတာ႓း ဆု္ေက၀္ယိုင္ယွံင္ထါေခါဟ္ေဍ ဆု္ပါထၞဴ႕လင္ဆါၟသီး ကို၀္ၟဟွာေဍလွ္ဆၚ

နာန္ၟက၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

ထါေခါဟ္ဖႜဳံ

သုဲး၀၀္လာၟဆၚကို၀္ၟဟွာေဍ

အု္ယို၀္ဏွ္ မဲြါေ၀့ ထာေခါဟ္ဖႜဳံလု္ပုဂ္ေဆ၀္ၟလွ္ လာၟဏင့္ မြဲါပ၀့္ေက၀္လဲ မဲြါပ၀့္ယိုင္လဲ ဏွ္ ေသွ္ယါ့ကဲလိုင္ေအး လာၟဏင့္႓ို၀္ ဆု္သာယူၟေဍဆု္လံင့္ကံင္ အု္ဖင့္ေခါဟ္ ထုင္ၟတင္လု္႓းလိုင္႓း အု္ေခါဟ္စံင္ ဆု္ယိုင္ယွံင္လင္ဆု္လ္ုဟွာ ယိုင္ယွံင္ေဖွ္ေ၀့ ေဆ၀္ၟလွ္။

ဆံင့္ဏးယွံင္ေယါ၀္ၟ႓းလာၟကို၀္ၟဟွာေဍဆၚ။

နာန္ၟက၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

ထါေခါဟ္သါင့္

ထါေခါဟ္သါင့္လ္ုပုဂ္ယို၀္ ဆံင္းဏးမုက္အု္ေခါဟ္စံင္ ယု္ခႜိဳ၀္လင္႓းေဆ၀္ၟလွ္ဆၚ။

ဆံင္းဏးယွံင္႓းလါၟကို၀္ၟဟွာေဍ

ဆံင့္ဏးယွံင္ ထါခါဟ္ေမါ၀္ၟေဍါဟ္မာန္ထ၀့္ အၥာၾဆာ့သီးကို၀္ၟဟွာေဍ က်ာ္ႀသီ့ထင္းထ၀့္လာၟေ၀့ဆၚ။

သုဲး၀၀္လာၟဆၚ

နာန္ၟက၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

ဆု္႓ီးသို၀္

ယွဴးမုက္လာၟဆၚကို၀္ၟဟွာေဍ

အု္ယို၀္လု္႓ႜင္ယို၀္ဏွ္ ယု္အင္းထုင့္ေဏ၀္ၟ လု္ဆ္ု႓ီးသို၀္ခ၀့္(Trash) အ္ုဏါင္ စီဍီလု္႓ိင္းယို၀္ ေဟွ၀္ပု္သၚလိုင္ေအး အု္ေခါဟ္စံင္ ဆာၟမဲြါ အု္ေဏ၀္ၟဏွ္ ယု္ထုဂ္ထင္း႓းေဆ၀္ၟ႓ွ္။

ပု္ဖႜဳံဆိုဒ္မူးလု္ဟွာ ေဏ၀္ၟ႓းေ၀့ ဆု္ကွ္လးေယွဟ္(Scholarship) မု္ထင္းစံင္မံင္ဘာၟ(collage) အု္ဟွင္ၟေဏ၀္ၟေ၀့ အု္ဏိ္င္းလု္ဆီ့
ဆ္ုမာ႓ို၀္မာဆိုင္ေဆ၀္ၟလွ္။

အု္ေခါဟ္စံင္ ေ႓့သို၀္ ဆိုဒ္ဆို၀္သင့္ ေဖါဟ္ဍီၿပီး လု္ဖး မာၟေဏ၀္ၟအု္ဍံင္မု္ေသွ္သို၀္အု္ဟွင္ၟ ယု္ထုဂ္ထင္း႓းေဆ၀္ၟလွ္။
ယု္ဍးေဏ၀္ၟ ဆု္လ္ု႓ိင္းယို၀္ လု္ ဆု္ခံင္ေ႓၀့္ဖိုင္သာ လု္ယာလိုင့္(Su Kunvit  soi 101) ဆု္႓ီးသို၀္ခ၀့္ အု္ဏါင္ဃွံင္ ဏွ္ေဆ၀္ၟလွ္။
ေယာ၀္ၟဖိုင္ယွံင္႓းလာၟကို၀္ၟဟွာေဍဆၚ။



သုဲး၀၀္လာၟဆၚ။
နာန္ၟက၀္ေက၀္ဖ၀့္

မု္အင္းဆု္ဟွ။ မု္ေလ၀္ဆု္ဟွ။

ထီသို၀္လု္ ေခါဟ္ဖုင္း႓င္ေဍ ေခေအန္ယူသီးကို၀္ၟအု္ဟွာဆၚ။

ပု္ယင္လ၀္ဆု္ဏု္သီးဆံင့္ဏး ေယါ၀္ၟခြါၟထီ့ထီ့ဆါဆါ ထီ့ထီ့ကႜာကႜာ ေအဟွံင္ ဏု္သီးမ္ုဆ့ံင္မံင္းေ႓့ေသွ္ သို၀္လဲ။
လု္ဟွာေဍလု္ဟွာ မု္ဆ၀္ခါေလါဟ္သာ ပီပီလွ္ဟွ။

ဆု္ဍဳဂ္ဟွဴးသို္င့္ထင္းေမံတာၟ မု္ဃွဳဲေလါဟ္သာ ေ႓့ယို၀္သို၀္လွ္ဟွ။
ဆု္ပႜ၀္အင္းတာ မု္မာသီ့ထါင္ေလါဟ္သာ ကႛယ္ကႛယ္တၚတၚလွ္ဟွ။
ဏု္သီးဆိုဒ္ဆ ဏု္သီးပါတိင့္လိုင္ေအး ေ႓့ဏွ္ဟွ။


ပု္ယွာၟလ၀္ေ၀့ ေလ၀္ဆု္ဏွ္ ေဍသို၀္ အင္းေမ၀္ဏွ္ ေဍဆု္ဍိဳ၀္ အု္ခ၀့္ပု္ယ၀့္ေယါတ္မာၟလွ္။
ဏု္ေအဆံင့္မံင္း အင္းေမ၀္တာၟလွ္စၚ႓ို၀္ ပု္ဆိုဒ္ယို၀္ မု္ကဲထင္းဆု္ဍိဳ၀္ဆု္လးေဆ၀္ၟလွ္။
ဏု္ေအဆ့ံင္မံင္း မု္ေလ၀္ဆု္ စၚ႓ို၀္ ပု္ဆိုဒ္ယို၀္ မဲြါေ၀့ ပု္သို၀္ေဆ၀္ၟလွ္။

မု္အင္းဟွ။ မု္ေလ၀္ဟွ။
လုဲၟေဏ၀္ၟလု္မိင္႓ွ္။ စူးလ္ုခ၀့္လွ္ မု္ဖံင္းယး ဏီ့႓ိင္းစၚ႓ို၀္ ဏု္ယို၀္မဲြါေ၀့ ဟု္မႝီဟ္ လု္ပီလု္စင္း႓းေဆ၀္ၟလွ္။
ေသွ္ယါ့ေလါဟ္သာ ေသွ္လိုင္ေအးစၚ႓ို၀္ ေဍဟ္အင္းထါင္ေဍဟ္ ယးအင္းထါင္ယး ပု္ဆိုဒ္ဆ မ္ုလင္မာၟေ၀့ ေကါ၀္ၾကင္ေခါဟ္ဍါဏွ္ ယိက္လိုင္ေအးေဆ၀္ၟလွ္။

ဏု္အဲဆိုဒ္ဟွ ဏု္အဲေမ၀္ဟွ

သုဲး၀၀္လာၟဆၚ။

နာန္ၟက၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

မု္မာေ႓့ေသွ္သို၀္လဲ

အွ္ဆံင္းလာၟဆၚကို၀္ဟွာေဍ

အု္ယို၀္လု္ဖိုင့္ယို၀္ဏွ္ ႓းဆါင့္ေဍ ထါေခါဟ္ထါခႜါင္ အု္ဟွာင္အု္စံင္း မု္လ၀္ထါင္ကင္ကါ႓းသာေဆ၀္ၟလွ္ဆၚ။
ဆု္လု္ထါေခါဟ္သီးယို၀္ ပုဖႜဳံဆိုဒ္ေဖါဟ္အု္ဟွင္ၟဏွ္ မဲြါေ၀့ပု္သာ႓ံင္အု္ေခါဟ္ထီးအု္ေခါဟ္ဍံင္ေဆ၀္ၟ လွ္။
ပု္ဖီ့ပု္ဖူ႔ လု္အု္၀ီၟဍးအို၀္ မာလုက္ဆ္ုခႜါင္လ၀္ဆို၀္လ၀္ေလါဟ္ဆု္ခႜါင္ အးမဲြါေဍထါေခါဟ္ေလင္ၟကာဏွ္လွ္။

အု္ဍံင္လု္မိင္ ပု္ဖႜဳံေဖါဟ္ေမာင္ၟစိင္အု္ဟွာင္ၟလ၀္ဆို၀္ေဖွ္ထါင္ပု္


ကာလာလု္ ေယါ၀္ေဖါဟ္ပိုင္ခါန္ၟ
ဟွာထင္းလ္ု သါင့္ခါန္ၟလု္ဏင္
မီ့ေကမူၟဏါ ေမံထီ့လင္
ဏင္းထင္းထါင္ လါင့္ခြဲါက႟င္။

အု္ေ၀့ဏွ္ ဟု္ေအေက၀္လု္မိင္ဍ၀္စၚ႓ို၀္ အု္ခ၀့္ပု္ယ၀့္မု္မာသာေ႓့ေသွ္သို၀္လဲ ဆံင့္မံင္းေယါ၀္ၟခြါၟလာၟဆၚ။

က္ုလာေလး ေယါ၀္ေဖါဟ္ပုင္ကင့္
ဟွးထင္းေလး သါင့္ခါန္ၟလု္ဏင္
မီ့က္ုမူၟဏါ ေမွ္ထီ့လင္
ဏင္ထင္းလု္ လါင့္ခဲြါက႟င္။

အု္ခ၀့္ပု္ယ၀့္ေလ၀္သာ လု္မိင္ေဆ၀္ၟ။

အု္ေခါဟ္စံင္ ခီ႓ို၀္ဏါင္းယို၀္ မဲြါေ၀့ဆု္ေသွ္ဆု္႓းဏွ္တာၟ ပု္ေအမာဆု္လု္မိင္မိင္ ေလ၀္ဟွး ထံင္ဟွးေ၀့ ယါင္ ဖႜဲသီးခ၀့္ဖႜဲ စင္႓ို၀္ ထိုင္ၟဖူ႔၀ဲါသီးကို၀္ၟအု္ဟွာ ေအမာဆု္လု္မိင္မိင္စၚ႓ို၀္ အင္းဃွဴ႕ေသွ္ယာ့ စွ္ထီ့စွ္ ထၚဟွံင္ မ မာ႓းလာၟဆၚ။

ယု္မု္လ၀္႓းသာ ဆ္ုခႜါင္အု္ေမါ၀္ၟတိုင္ဏွ္ ႓းဆါင့္ေဍ ပု္လိက္ေဍပု္ဆ္ုဃွီ႔လာယို၀္ မြဲါပု္ဆိုဒ္သာ႓ံင္အု္စံင္ဏွ္ ပါသၱၚ႓းလာၟကို၀္ၟဟွာေဍဆၚ။
အု္ဍံင္ပု္ထုဂ္ထင္း ဆု္ဟွင္မိုင့္ခါ့ ပု္ေက၀္လိက္ဖႜဳံး ေအတု္ၿပိင္(ပႜိင္)သာစၚ႓ို၀္ ပု္မု္လ၀္႓းသာအု္ ခ၀့္ပု္ယ၀့္သီး မု္တု္ဖႜးသာေဆ၀္ၟလွ္။ အု္ခ၀့္ပု္ယ၀့္ေအတု္ဖႜး႓ွ္စၚ႓ို၀္ လု္ဟွာေဍလု္ဟွာ ဆု္ဏးေသွ္ မု္ကါင္ဖါ မု္ယါင္ယွးသာေ၀့ေဆ၀္ၟလွ္။

အု္လ္ုမိင္ဏွ္ ပု္လိက္သီးလု္ဖး မု္ဟွာဟွံင္မု္ၿပီျပာသီးလု္ကါဍၚ ပု္ဆု္ခႜါင္သီး မု္လင္ယၚ မု္လင္မာၟေ၀့ေဆ၀္ၟ လွ္။ အု္ေခါဟ္စံင္ ပု္ဆု္ခႜါင္ေဍပု္လိက္ေ႓့မု္ဟွဳင္ၟခိုင့္သို၀္ ပု္ကို၀္ၟဟွာေဍဖံင့္ေခါဟ္ ဆု္အုဲးဆု္ယို၀္လု္ဖး ထံင္ဟွးေ၀့ပု္ေဆ၀္ၟလွ္။

ေမါ၀္ၟေဍါဟ္မါန္ထ၀့္ တႜာပညာ့ဆါၟ သင့္ဂၞီ႕သီးကို၀္ၟဟွာေဍဆၚ
အု္ဖင့္လးအို၀္ ဆု္ဟွင္မိုင့္လု္ဖး ဏု္သီးေယါ၀္ၟဖိုင္ေယါ၀္ၟ ဆံင့္ဏးေယါ၀္ၟ ပ၀္ၟေယါ၀္ၟခြါၟလိက္ ေအထီ့ ေအဆါဟွံင္ လိက္ဖႜဳံး လု္႓းလု္မဲြါ႓းလု္စံင္း ဏု္သီးမု္ဍး႓းေ၀့ ကို၀္ၟဟွာေဍေဆ၀္ၟလွ္။
ပု္မု္အင္းတါင္႓းထါင္ ေ႓့ေသွ္သို္၀္လဲ။

စွ္ေယါ၀္ၟခြါၟကို၀္ၟဟွာေဍဆၚ။

သုဲး၀၀္လာၟဆၚကို၀္ၟဟွာေဍ

နာန္ၟက၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

အင္းလ၀့္အု္ဏါင္း 1

သုဂ္က်ာထီ့ဖါန္

ေအစီလ၀္ေ၀့ အင္းလ၀့္ပီပီ

လု္အင္းလ၀့္႓း ဟွဳဂ္ဖုင့္လု္ကာ

လု္အင္းလ၀့္႓း က်းလု္ဃွီ႕လာ

လု္အင္းလ၀့္႓း မု္လင္ဆု္ဏာ

ဖူ၀ါဲသီးလု္ဖး ေအစီယုိင္ေဖွ္ေ၀့ ေဍအင္းလ၀့္ပီပီထာေခါဟ္ယုိ၀္ ဏးေသွ္႓းလာ.ကုိ၀္.ဟွာေဍဆာ္

သုဂ္က်ာထီ့ဖါန္ 

saw di

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

အင္းလ၀္႔ အု္ဏါင္း 2

သုဂ္က်ာထီ့ဖါန္ 

လ၀္ဟွဳိင့္ဆုိဒ္ေဖါဟ္ ကုိ၀္အု္ဟွာ

ေသွ္ယာ့ လင္သာ့သာ

ေဍ.ဘာ.သာ့ဟွင္မု္ကုက္လ၀့္

ေဆာတ္ထင္း ဆူးဖံင္းခ၀့္

ေဍ.ဆုိဒ္အု္ဟွင္. မု္မာလ၀့္

ေဆာတ္ထင္း ဆူးဖံင္းခ၀့္

လ၀္လင္သာဍ၀္ ဃွီ.ဃီွ႕လာ

မြာဲေ၀့ဆုိဒ္ သု္ဏာ

လင္.ခါင့္ထုက္ဍ၀္ အု္တင္ခ၀့္

မြာဲေ၀့ ဆု္အင္းလ၀့္...အင္းလ၀့္...အင္းလ၀့္..

သုဂ္က်ာထီ့ဖါန္

saw di

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

 အင္းလ၀္႔အု္ဏါင္း 3

သုဂ္က်ာထီ့ဖါန္ 

လုိဒ္ၟကာေခါဟ္ဍာ ဆု္အင္းလ၀့္
အု္မိင္ အးမာၟလ၀့္

ေဍအင္းဟွင္ၟသီး ဍ၀္အင္းလ၀့္
သာမဲဍ၀္ အင္းလ၀့္

က်းမု္ဃွီ႕ဟွင္ၟ ဍ၀္အင္းလ၀့္
လင္ဖုိဟ္ဍ၀္ အင္းလ၀့္

သာထိင္ၟေဍာဟ္ဍ၀္ အင္းလ၀့္
ဖီးေမံဍ၀္ အင္းလ၀့္

ဆု္အင္းလ၀့္ဏွ္ ဆာၟမြာဲအွ္
အင္းလ၀့္လင္ ဆုိဒ္ဏွ္

ဟွာဟွံင္ေဍာဟ္ထုက္ ဆု္အင္းလ၀့္
အုိင္ခၚ ဆု္အင္းလ၀့္

လုိဒ္ၟဘ တုိဒ္ၟသာ အု္ထၚခ၀့္
မြာဲဍ၀္ ဆု္အင္းလ၀့္

လုိဒ္ၟဘ တုိဒ္ၟသာ ေအလုက္ခ၀့္
မု္ဖံင္ ဆု္အင္းလ၀့္

သုဂ္က်ာထီ့ဖါန္

saw di

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

အင္းလ၀့္ အု္ဏာင္း (4)

သုဂ္က်ာထီ့ဖါန္ 

ပု္ဆုိဒ္ေဖါဟ္သီး ကုိ၀္ၟအု္ဟွာ

ဆံင့္မံင္းလင္ ထာင္သာ

ပု္ယုိ၀္မြဲာ ဏယ္အင္းဆု္ယ၀့္

တံင္ဏံင္း ဆု္အင္းလ၀့္

ဆု္ဆံင့္မံင္းခ၀့္ မြာဲလု္ထ၀့္

တံင္ဏံင္း ဆု္အင္းလ၀့္

အင္းဃွဴ႕ကု္လုင့္ လု္အု္ယ၀့္

တံင္ဏံင္း ဆု္အင္းလ၀့္

ဆု္ေသွ္ပညာ့ လု္ထင္းထ၀့္

တံင္ဏံင္း ဆု္အင္းလ၀့္

ဟွိဳင့္ေဍဏာၟလ၀့္ ဏယ္အင္းယ၀့္

တံင္ဏံင္း ဆု္အင္းလ၀့္

ဍးေဍေမံခ၀့္ ဏယ္အင္းယ၀့္

တံင္ဏံင္း ဆု္အင္းလ၀့္

လု္ယာ့ခါ့သီး ဆု္အင္းလ၀့္

ခါ့ယုိ၀္ ဆု္အင္းလ၀့္

လင္ၟခါင့္ခုိ၀့္ ဆု္မု္အင္းလ၀့္

တု္တြယ္ထင္းစူး ကုက္မာလ၀့္

သၱာ္ဏွ္အွ္ ေကွ္ေအၟထ၀့္

မု္ဖံင္ ဆု္အင္းလ၀့္

သုဂ္က်ာထီ့ဖါန္ 

saw di

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

မြဲါဆု္မီ့မင္ၟဟွ

အွ္ဆံင္းလာၟဆၚ ကို၀္ၟဟွာေဍ

အု္ယို၀္လု္ဖိုင့္ ယု္လ၀္ထါင္ ပုံ မဲြါလိုင္ေအး႓ွ္။

ယု္မု္လ၀္႓းသာဆု္ခႜါင္ လု္စယ္၊ ဆု္ခႜါင္ဆု္ဏွ္လဲစၚ႓ို၀္ ပု္ဖႜဳံဆိုဒ္ေဖါဟ္ အု္က္ုလုင့္ကါင္ကါလု္ဖး မြဲါအု္ကဲထင္း ဆု္ကႜင္ထၞင္ၟယုဂ္ဟွ

႓းဏွ္လဲ စၚ႓ို၀္ လု္အု္ေမံယါ့သင့္ခါ့ လ၀္ဆု္လိုမိင္ အု္ခါ့႓ို၀္ဏါင္းယို၀္ မာထါင္ဆု္မါဏွ္ မဲြါဍးလ္ုမိင္ အု္စံင္ဏွ္ ပု္ဖႜဳံဆိုဒ္ေဖါဟ္ အု္ကု္ လုင့္ကါင္ကါလု္ဖး မြဲါကဲထင္းဆု္မီ့မင္ၟလုက္ယုဂ္ ႓းဍံင္ဏယ့္။

အု္ဖင့္လးအို၀္ ယု္အွ္ေကွ္လင္ထ ဆု္ဟွင္မိုင့္ လ္ုခါ့၊ ဏု္သီးေယါ၀္ၟဖိ္ုင္လာၟ႓ွ္။

ၾဆာ့ဖါေဍါဟ္လု္ဟွာ အု္ဆု္လ၀္ေဍ အု္ေဒၢတ္ မဲြါအု္႓းေလါဟ္သာေဆ၀္ၟဟွ။

ဟွယ့္ေယါ၀္ၟဖိုင္ ဆု္ဟွင္မိုင့္ ေမါ၀္ၟေဍါဟ္မါန္ထ၀့္သီးကို၀္ၟအု္ဟွာ ယွဴးခႜိင္းလာၟဆၚ။

က၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

စီၟစံင္ေဟွး အါင္းတၚတၚ ဟွံင္လွ္

အွ္ဆံင္းလာၟဆၚကို၀္ၟဟွာေဍ

ယု္မု္လ၀္ထါင္ေဖွ္ ဏု္သီးပုင္လု္ပုင္ေဆ၀္ၟလွ္။
ပုင္အု္ေ၀့ယို၀္ မဲြါဖႜဳံယွာၟလု္၀ီၟ လ၀္ဆို၀္လ၀္ဍံင္ေ၀့ေဆ၀္ၟလွ္။
ဆု္ဟွာင္ၟဆု္စံင္းယို၀္ ဟွယ့္ကဲထင္းေ၀့ တု္ယာယွာၟေဆ၀္ၟလွ္။
မဲြါဆု္လ၀္ထါင္ေဏ၀္ၟ လု္မြဲါ႓း။


တာၟဏာၟ
လု္အု္၀ီၟခါ့ဍးအို၀္ တု္၀ါန္႔အွ္လု္ဖႜဳံး၊ တု္၀ါန္႔ဖိုင္ဏွ္ အွ္ေ၀့ေဍ ဟု္မူး႓းကိုင္လု္ဟွာေဆ၀္ၟလွ္။ အု္ခိင္ၟဟွင္သီး ႓း အု္ဖးအု္ယးသီးခ၀့္ေဟွ၀္ အု္ေမံသးသီး လင္အဲလင္ကုဦသီးလု္ကါဍၚ အု္လူၟခ၀့္လု္ဖါ ဆိုင့္ခႜိင္းေ၀့ဟွံင္ အု္ဏင့္ဆာၟအု္သုင္းသာသီး ေဟွ၀္စြးသု္ကါမာၟေဆ၀္ၟလွ္။
အု္ေခါဟ္စံင္ တု္၀ါန္႔ဖိုင္ေဖါဟ္သးခြါ႔သီးလ္ုဖး ဟွယ့္စါင္းကဦုေ၀့အု္ဟွိင္း ကို၀္ၟဟွးေဍေဆ၀္ၟလွ္။ အု္ဏွ္သီး မလု္ကါဍၚ တု္၀ါန္႔ယါင္တု္၀ါန္႔႓ုဂ္ ေဖါဟ္သးခြါ႔သီးလ္ုဖး ဟွယ့္စါင္းကုဦေ၀့ လု္႓ႜင္လု္ထါၟေဆ၀္ၟလွ္။

ဆု္လ္ုယာ့ခါ့ဍးအို၀္ ေကဟွးလင္ ေလ၀္ဖႜါ႓ူး၊ ေလ၀္ကုဂ္႓ူးေအဟွံင္ ေဖါဟ္သးခြါ႔သီးလု္ဖး စါင္းကဦုေ၀့ လု္ အု္မူးဏင္ဟွိင္းဏွ္တာၟ ဟွိင္းဆာၟလု္ဖါ ဍါလင္ခႜဟ္ ခႜိဳ၀္လင္ထႛိဳ၀္ အွ္ေကွ္လင္လုင္ၟဆု္လံင့္ ေဍမင္ခႜံင္ၟဖၚ တု္ခြီၟလး ယာၟသုဂ္သီးဏွ္ေဆ၀္ၟလွ္။

ေဖါဟ္သးခြါ႔လု္ခ၀့္ ဟွယ့္စါင္းဟွိင္း႓ွ္ စၚ႓ို၀္ အူးထင္းေ၀့ဟွိင္၊ ဍိင္ထင္းခႝာ၊ ဍိင္ထင္းဏာၟဍိင္ သယ္ဏွ္ ေဆ၀္ၟလွ္၊ မူးဏင္ေဖါဟ္သးခြါ႔ ယိုင္ယွံင္ထါေခါဟ္သီးအွ္ေ၀့ေဆ၀္ၟလွ္။

႓ိုင္ဏါင္းယို၀္ဏွ္ အင္းလယ္ထင္းသာလုက္ဆိင့္လုက္ခႜာယုဂ္ဟွ ဏွ္ လ၀္လု္ေသွ္လိုင္ေဆ၀္ၟ႓း။
ထံင္ဏွ္တာၟ ဆု္မူးလု္အု္႓းကိုင္ထုက္လု္ဟွာ ယိုင္ထင္းေ၀့ ထါေခါဟ္ဏါၟဍိင္ဏွ္ေဆ၀္ၟလွ္၊ ဆု္ခြါ႔ေ၀့ ဍိင္ ထင္းဏာၟဍိင္ခ၀့္ခ၀့္ ေယါ၀္ၟဟွဴးေ၀့ဆု္မူးဏွ္ လု္ေမံ႓ႜၚဖင့္လ ဏွ္ေဆ၀္ၟလွ္။

လု္ယိက္လု္မ၀္ၟ ထါေခါဟ္ထုက္ေ၀့အု္ေခါဟ္စံင္ ဏီ့ဟွာဏွ္ လင္ထါင္ကဦုေ၀့ဆု္ေဆ၀္ၟလွ္၊ ဆု္ခြါ႔ဏွ္ အဲ႓း ေ၀့ဆု္မူးအု္ေခါဟ္စံင္ အင္းစါအဲေ၀့ေဆ၀္ၟလွ္။ အင္းစါအဲေ႓့ေသွ္သို၀္လဲစၚ႓ို၀္

ႃဆု္ခႜိင္းခါ့ ၀ဲါမီ့လု္ဟွာ၊

မီ့မင္ၟ႓း အိင္မူးလု္ထါ

အိင္မူးဖံင္းခိုင့္ ေဏ၀္ၟ၀ဲါသာ

ဖူၟကုင္းေဖွ္၀ဲါ မု္႓းဟွ႗

ဆု္မူးဏွ္ ဟွိဳင့္႓းေ၀့ ဆု္ခြါ႔ထါေခါဟ္ဏွ္တာၟ ယွိယွံင္ထါင္ေ၀့

ႃ၀ဲါမီ့မင္ၟ အိင္မူးေဟွ၀္တယ္၊

မူးလု္မြဲါ ဍဳံလုက္ဖိုင္ဏယ့္

ဖူၟဃွီ႔လု္ဍး ဏင္က်းသယ္

ဖူၟမု္ကုင္း ေ႓့ေသွ္သို၀္လဲ႗

ထံင္ဏွ္လု္႓ႜင္ ဆု္ခြါ႔ေ၀့ဍး လ၀္ထင္းေ၀့ဆု္ခႜါင္လု္မိင္ေဆ၀္ၟလွ္

ႃဖူၟသာအွ္ ေဍ၀ဲါတ၀္တ၀္

ေ႓့ဖူၟမု္ဍး ၀ဲါမု္လ၀္

ဟု္အိင္မူး၀ဲါ မီ့မင္ၟဏွ္

ဖူၟေယါ၀္ၟလင္ယြာ ဖူၟဍးလွ္႗

ထံင္ဏွ္လု္ဖိုင့္ ဆု္မူးလ၀္ထင္းထါင္ေ၀့ဆ္ုခြါ႔

ႃ၀ဲါသာေအအွ္ အိင္မူးဏွ္

ဖူၟမု္ကုင္းေဖွ္ ယု္၀ဲါစ၀္(က်၀္)

၀ဲါေအမီ့မင္ၟ ဏင္ၟ႓ႜင္ဍ၀္

အိင္မူးလ၀္ထါင္ ေဖွ္ဏု္လွ္႗

ထံင္ဏွ္လု္ဖို္င့္ အု္ခိင့္အု္ခါ့သီးခ၀့္႓းဏွ္တာၟ ဆု္ခြါ႔ေ၀့လု္ဟွာ မု္ထါင္ေ၀့ေဆ၀္ၟလွ္၊ အွ္ေ၀့ယူၟယိင္ခါ့ ဆ္ုမူး ေဖါဟ္ဏွ္ နိဳင့္ေအွ္ထင္းယွဳဂ္ေ၀့ေဆ၀္ၟလွ္။ နိဳင့္အူးေ၀့အု္ေခါဟ္စံင္ ဆု္ခြါ႔ဏွ္ထုဂ္ထင္းေ၀့ အု္ဆု္ကုင္း ေဆ၀္ၟလွ္။

ႃေ၀းမူး ပု္တု္၀ါန္႔ဏွ္ ဆု္ထုင္းလီၟဋဳင္ၟဏွ္ယာၟ ေ႓့ယို၀္သို၀္ ဏု္ေသ္ွယါ့ေဆ၀္ၟဟွ၊ ေလံေလံမင္းယို၀္း မင္းယို၀္းေလံေလံ႗

လ၀္ေ၀့ခံင္ခ၀့္၊ ၀ီသူးပ်ေ၀့အု္ဏါ့ ေဍစူးယာ့သာ ဏီ့ခ၀့္ဏွ္ေဆ၀္ၟလွ္။

ဆု္ခြါ႔ထါင္ႀထိဳင့္ဟွံင္ ဆု္မူးဏွ္ကးသာေ၀့ လု္႓ႜးလုိင္အု္ေခါဟ္စံင္ ထါင္လု္ေဆါတ္ဆိုင္(ဆီးဆိုင္)ထို၀္ ၀ဲါထင္းအု္ခါင့္ ႓း႓းဟွံင္ ဍိဳ၀္အင္းေ၀့ေဍစီၟစံင္(က်ီၟက်င္)ဏွ္ေဆ၀္ၟလွ္။

အု္ဏင့္ဆါၟခႜါင္ထင္းေ၀့

ႃဆု္႓ႜဟ္လု္ေသွ္႓းတယ္ ခါင့္ဖိုင္လု္ဖိုင္ယို၀္ အင္းတၚတၚဟွံင္လွ္ စီၟစံင္ေဟွး႗

ဏု္သီးကးသါေသွ္ေဆ၀္ၟဟွ၊ ကးသါေအေသွ္ဍဴ အွ္ေဍေဒၢတ္ပု္၀ါ လု္အု္ေဟွ၀္ဏွ္႓ွ္။

က၀္ေက၀္ဖ၀့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

သိင္းဖူ႔ဟွ ၀ူၟဟွး

DKBAသုဂ္ေခါဟ္ေဍါဟ္ မာန္စ၀္ေခ်ဟ္သူလု္ဟွာ ဖိုတ္ေထံသုဂ္(အာဇာနည္) အု္ဟွင္ၟ အု္ေ၀့ခႜါင္လင္ဆု္ဏွ္ ဟု္ဆံင့္ဏးတာၟ ႓းသာဟွင္းစြးသု္ကာမာၟလွ္ လာဏင့္႓ို၀္သီး အု္ကု္ဆါၟ မာထါင္အု္သာ က်းထါင္အု္သာ မဲြဲါမု္႓းဟွ ဏွ္ အု္ဏင့္ဆါၟ ေသွ္ယာ့ထုက္လွ္။

အု္ခါဟ္စံင္ ပ၀္ၟလိက္ဆါၟ ေမါ၀္ၟေဍါဟ္မါန္ထ၀့္ ထိုင္ၟဖူ႔၀ဲါ ထီသို၀္ဟွိဳ၀္ဖင္းသီး ကို၀္ၟဟွာေဍဆၚ ဆု္အွ္လု္ဟွာလ၀္ထါင္ေ၀့ ဟု္သာဖိုင္ဏွ္မဲြါသိင္းဖူ႔ အု္ေခါဟ္စံင္ ဆီ့ဏင္ခုင္း႓းတာ ထံင္ထါင္လု္ခီ့ မဲြါလု္၀ူၟမိုဒ္ၟ
မု္ကဲထင္း သိင္းဖူ႔ဟွ မု္ကဲထင္း၀ူၟဟွ ဏွ္ အွ္ခိုင္ေယာ၀္ၟသာ့ ဟွံင္လွ္။

ယု္သာဖိုင္ဏွ္ မဲြါ၀ူၟလွ္။

အွ္ဆံင္းလာၟဆၚ ကို၀္ၟဟွာေဍ ယာဓနာၟေဖွ္႓းေဆ၀္ၟလွ္။

ဖ၀့္က၀္ေက၀္

ဖႜဳံဏိင္းသာထၚ ၂၇၄၉ ဆီ့မူလာၟေယါတ္ထင္း ၈ သင့္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

မု္အင္းထီၟသးစၚ႓ို၀္

အွ္ဆံင္းလာၟဆၚကို၀္ၟဟွာေဍ

ယု္မိင္ဏွ္ မဲြါေ၀့ က၀္ေက၀္ဖ၀့္ေဆ၀္ၟလွ္။
ယု္မု္လ၀္ထါင္ေဖွ္ ဏု္သီး ပုံေဖါဟ္လု္ပုံေဆ၀္ၟလွ္။
ပုံအု္ေ၀့ယုိ၀္မဲြါေ၀့ ဖႜဳံယွာၟလု္ဖႜဳံ လ၀္ထါင္၀ယ္ေ၀့ဏွ္ေဆ၀္ၟလွ္။ မဲြါပု္ယင္ေက၀္လိက္ၾဆာ့ လူထူ႔အူး
လး(လူထုဦးလွ) အု္စူးလင္ မြဲါေအး။

တာၟဏါၟ



လု္အု္၀ီခါ့ဍးအို၀္ ဆု္ထင္းယွာၟသင့္ ထုိင့္မိုင့္၀ါ အွ္ေ၀့ လု္ေခါတ္ေဆ၀္ၟလွ္။ အု္သီးေ၀့ထင္းယွာၟသင့္
အု္ေခါဟ္စံင္ အွ္လင္စဲ႓း ဟွိင္းဍၚေအးလွ္။

အု္၀ါဏွ္ေလ၀္အွ္ပ်ေ၀့အု္မါ့ ေဆ၀္ၟလွ္။

အု္မါ့ခ၀့္လု္ဖါ ထိုင့္ဖူ႔၀ဲါအွ္ေ၀့ အု္ဟွာလု္ဆီ့ေဆ၀္ၟလွ္။

အ္ုေခါဟ္စံင္ အင္းေမ၀္ခါ့ အင္းကုံအင္းကံင္းေ၀့ ေမ၀္ေဆ၀္ၟလွ္။

အု္၀ါေ၀့ဍးလု္ဟွာ မြဲါေ၀့ အု္မုဲအု္ေခါဟ္စံင္ အု္မါ့ထိုင့္ဖူၟ၀ဲါ အု္ထိုင့္အု္ကႜာ ႓းအင္းယွံင္ေမ၀္ဏွ္တာၟ
ကးသါေ၀့ ေဍါဟ္ေဍါဟ္ ေလံ ေဆ၀္ၟလွ္။

အု္သီးေ၀့အင္းဖင့္အင္းသိုင့္ဏွ္ မဲြါေ၀့ သိုင့္ေထံေဆ၀္ၟလွ္။ အင္းဖံင့္ဍိင္ေ၀့ ေဍ သၬင္းဖုင့္၊ ဖိုင့္လင္
ထါင္ေ၀့ ေဍ ၀ါင္သါင့္လး (ပင္စိမ္းရြက္) ေဆ၀္ၟလွ္။

အင္းေမ၀္လု္ဍံင္းဏွ္ လုက္ဆိင့္ အု္ေ၀့အု္ဟွာ လု္ဆီ့လီၟဟွာေဆ၀္ၟလွ္။
အု္မိင္ယွာၟမူး၊ အု္မိင္ယွာၟခြါ့၊ ဏီ့ဟွာ၊ အု္မါ့ထိုင့္ဖူၟ၀ဲါ အု္ဟွာလု္ဆီ့ ေဍ အု္သီးေ၀့ထိုင့္မိုင့္၀ါ ဏီ့ဟွာ
ဏွ္ေဆ၀္ၟလွ္။

အင္းေမ၀္ခါ့ဏွ္ ထိ္ုင့္ဖူ႔၀ဲါသယ္သီးလု္ဖး ဏု္ေယွါ၀့္အင္း ယု္ေယွါ၀့္အင္း၊ ယု္ေယွာ၀့္ဍဳင္းအင္းသိုင့္
ဏု္ေယွာ၀့္ဍဳင္းအင္းသိုင့္ ေဆ၀္ၟလွ္။

အွ္ေဍ အု္သီး၀ဲါမူး၀ါသယ္ဏွ္ ဏင္းေ၀့ခႜဳဂ္ေအးေဆ၀္ၟလွ္။

အွ္ထါင္လု္ပ်ာ့ဖါေဍါဟ္ အု္သီးေ၀့ဖါၟခႜါင္ထင္းေ၀့

ေ၀းေဖါဟ္သီး ဏု္သီး၀ဲါ၀ါလု္ဟွာဏွ္ ေဖွ္ဍဳင္းအင္း သိုင့္ေဆ၀္ၟကိုဒ္ၟ။

အု္ေ၀့ဍးလု္ဟွာ ဍး႓းေ၀့ အု္မါ့ထိုင့္ဖူၟ၀ဲါလု္စံင္းဏွ္ ေဍ ဏါ့ဟွာၟအင္းဆု္၊ ေဍ အု္ဟွာအးသီးလု္
ကါဍၚ ကဲေ၀့ ဟု္မုဲလု္ဟွာအု္ ေခါဟ္စံင္ အု္ေ၀့ခႜါင္ထင္းေ၀့
႓း အင္း သယ္ ဏင္ၟစံင္းလိုင္ေအး
ဟွံင္ ဖီၟထင္းအု္နိဳ၀္ ဟွင္းယွာၟေက၀္ေ၀့ေဆ၀္ၟလွ္။

အု္ေခါဟ္စံင္ ပ၀္ၟလိက္ဆါၟ ေမါ၀္ၟေဍါဟ္မာန္ထ၀့္သီးကို၀္ၟဟွာေဍဆၚ၊ ဏု္သီးေအဆံင့္မံင္း
မု္မာေဖါဟ္မု္မာမါ့၊ မု္မာေဖါဟ္မု္မာ ၀ါေဆ၀္ၟဍဴ လု္ခႜဳဂ္ အွ္ဃွဳက္ခါင္ၟစူးဍၚ႓းခါ့ အင္းစါအင္း
လိက္ ေအထီ့ေအဆါ ဏွ္ဆၚ။

ေအလု္မဲြါ႓းဍဴ ဏု္သီးမု္ဍးပု္ခိုတ္ေ႓့ ဆု္ထင္းယွာၟသင့္ ခိင့္ဏဲခြါ႔လု္ဟွာ သို၀္ေဆ၀္ၟလွ္။
ပု္ေအအင္း႓းသာ ထီသးစၚ႓ို၀္ ပု္မု္႓းေယါ၀္ၟထီ့ ထီၟမူၟဏွ္ေဆ၀္ၟလွ္။

ယွဴးခႜိင္း႓ွ္ယ၀့္က်ာ္ႀသီ့ထင္းထ၀့္႓းလာၟ ကို၀္ၟဟွာေဍဆၚ။

က၀္ေက၀္ဖ၀့္
ဖႜဳံဏိင္းသာထၚ ၂၇၄၉ ဆီ့မူၟလာ ေယါတ္ထင္း ၅သင့္ မူၟအု္စန္

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...

သုဂ္ေဖါဟ္အု္က်း

သုဂ္ေဖါဟ္အု္က်း



အွ္ဆံင္းအွ္ခႜါင့္ က်ာ္ႀသီ့ထင္းထ၀့္ ဆါမဲြါသာအွ္ ဍဳဂ္ပါင္႓းလာၟ ကို၀္ၟဟွာေဍဆၚ။

လု္ယါ့ခ၀့္အွ္ဍၚ...

ဍဟ္ထၚလယ.ဆၚ...