အွ္ဆံင္းလာၟဆၚကို၀္ၟဟွာေဍ
ယု္မိင္ဏွ္ မဲြါေ၀့ က၀္ေက၀္ဖ၀့္ေဆ၀္ၟလွ္။
ယု္မု္လ၀္ထါင္ေဖွ္ ဏု္သီး ပုံေဖါဟ္လု္ပုံေဆ၀္ၟလွ္။
ပုံအု္ေ၀့ယုိ၀္မဲြါေ၀့ ဖႜဳံယွာၟလု္ဖႜဳံ လ၀္ထါင္၀ယ္ေ၀့ဏွ္ေဆ၀္ၟလွ္။ မဲြါပု္ယင္ေက၀္လိက္ၾဆာ့ လူထူ႔အူး
လး(လူထုဦးလွ) အု္စူးလင္ မြဲါေအး။
တာၟဏါၟ
လု္အု္၀ီခါ့ဍးအို၀္ ဆု္ထင္းယွာၟသင့္ ထုိင့္မိုင့္၀ါ အွ္ေ၀့ လု္ေခါတ္ေဆ၀္ၟလွ္။ အု္သီးေ၀့ထင္းယွာၟသင့္
အု္ေခါဟ္စံင္ အွ္လင္စဲ႓း ဟွိင္းဍၚေအးလွ္။
အု္၀ါဏွ္ေလ၀္အွ္ပ်ေ၀့အု္မါ့ ေဆ၀္ၟလွ္။
အု္မါ့ခ၀့္လု္ဖါ ထိုင့္ဖူ႔၀ဲါအွ္ေ၀့ အု္ဟွာလု္ဆီ့ေဆ၀္ၟလွ္။
အ္ုေခါဟ္စံင္ အင္းေမ၀္ခါ့ အင္းကုံအင္းကံင္းေ၀့ ေမ၀္ေဆ၀္ၟလွ္။
အု္၀ါေ၀့ဍးလု္ဟွာ မြဲါေ၀့ အု္မုဲအု္ေခါဟ္စံင္ အု္မါ့ထိုင့္ဖူၟ၀ဲါ အု္ထိုင့္အု္ကႜာ ႓းအင္းယွံင္ေမ၀္ဏွ္တာၟ
ကးသါေ၀့ ေဍါဟ္ေဍါဟ္ ေလံ ေဆ၀္ၟလွ္။
အု္သီးေ၀့အင္းဖင့္အင္းသိုင့္ဏွ္ မဲြါေ၀့ သိုင့္ေထံေဆ၀္ၟလွ္။ အင္းဖံင့္ဍိင္ေ၀့ ေဍ သၬင္းဖုင့္၊ ဖိုင့္လင္
ထါင္ေ၀့ ေဍ ၀ါင္သါင့္လး (ပင္စိမ္းရြက္) ေဆ၀္ၟလွ္။
အင္းေမ၀္လု္ဍံင္းဏွ္ လုက္ဆိင့္ အု္ေ၀့အု္ဟွာ လု္ဆီ့လီၟဟွာေဆ၀္ၟလွ္။
အု္မိင္ယွာၟမူး၊ အု္မိင္ယွာၟခြါ့၊ ဏီ့ဟွာ၊ အု္မါ့ထိုင့္ဖူၟ၀ဲါ အု္ဟွာလု္ဆီ့ ေဍ အု္သီးေ၀့ထိုင့္မိုင့္၀ါ ဏီ့ဟွာ
ဏွ္ေဆ၀္ၟလွ္။
အင္းေမ၀္ခါ့ဏွ္ ထိ္ုင့္ဖူ႔၀ဲါသယ္သီးလု္ဖး ဏု္ေယွါ၀့္အင္း ယု္ေယွါ၀့္အင္း၊ ယု္ေယွာ၀့္ဍဳင္းအင္းသိုင့္
ဏု္ေယွာ၀့္ဍဳင္းအင္းသိုင့္ ေဆ၀္ၟလွ္။
အွ္ေဍ အု္သီး၀ဲါမူး၀ါသယ္ဏွ္ ဏင္းေ၀့ခႜဳဂ္ေအးေဆ၀္ၟလွ္။
အွ္ထါင္လု္ပ်ာ့ဖါေဍါဟ္ အု္သီးေ၀့ဖါၟခႜါင္ထင္းေ၀့
အု္ေ၀့ဍးလု္ဟွာ ဍး႓းေ၀့ အု္မါ့ထိုင့္ဖူၟ၀ဲါလု္စံင္းဏွ္ ေဍ ဏါ့ဟွာၟအင္းဆု္၊ ေဍ အု္ဟွာအးသီးလု္
ကါဍၚ ကဲေ၀့ ဟု္မုဲလု္ဟွာအု္ ေခါဟ္စံင္ အု္ေ၀့ခႜါင္ထင္းေ၀့
႓း အင္း သယ္ ဏင္ၟစံင္းလိုင္ေအး
ဟွံင္ ဖီၟထင္းအု္နိဳ၀္ ဟွင္းယွာၟေက၀္ေ၀့ေဆ၀္ၟလွ္။
အု္ေခါဟ္စံင္ ပ၀္ၟလိက္ဆါၟ ေမါ၀္ၟေဍါဟ္မာန္ထ၀့္သီးကို၀္ၟဟွာေဍဆၚ၊ ဏု္သီးေအဆံင့္မံင္း
မု္မာေဖါဟ္မု္မာမါ့၊ မု္မာေဖါဟ္မု္မာ ၀ါေဆ၀္ၟဍဴ လု္ခႜဳဂ္ အွ္ဃွဳက္ခါင္ၟစူးဍၚ႓းခါ့ အင္းစါအင္း
လိက္ ေအထီ့ေအဆါ ဏွ္ဆၚ။
ေအလု္မဲြါ႓းဍဴ ဏု္သီးမု္ဍးပု္ခိုတ္ေ႓့ ဆု္ထင္းယွာၟသင့္ ခိင့္ဏဲခြါ႔လု္ဟွာ သို၀္ေဆ၀္ၟလွ္။
ပု္ေအအင္း႓းသာ ထီသးစၚ႓ို၀္ ပု္မု္႓းေယါ၀္ၟထီ့ ထီၟမူၟဏွ္ေဆ၀္ၟလွ္။
ယွဴးခႜိင္း႓ွ္ယ၀့္က်ာ္ႀသီ့ထင္းထ၀့္႓းလာၟ ကို၀္ၟဟွာေဍဆၚ။
က၀္ေက၀္ဖ၀့္
ဖႜဳံဏိင္းသာထၚ ၂၇၄၉ ဆီ့မူၟလာ ေယါတ္ထင္း ၅သင့္ မူၟအု္စန္
0 comments:
Post a Comment